Pacesetter Vol XLI No. 1 Broadsheet Issue
Nina Mary Ann Suing, Jemaima Pacheco at Raquel Magtalas
Kaagapay ng mabilis na paglobo ng populasyon ng mga dayuhang mag-aaral dulot ng patuloy na paglilinang ng Bulacan State University (BulSU) sa proyektong Exchange Student Program (ESP) ay ang mga benepisyong nakatutulong sa pagpapabuti ng unibersidad.
Mula sa dalawang international linkages noong 2002 ay nagkaroon na ang BulSU ng ugnayan sa 10 bansa kabilang ang Thailand, Japan, China, Vietnam, Hong Kong, Singapore, Macau, Malaysia, Ethiopia at South Korea. Dahil dito, tumaas ang bilang ng mga nag-aaral na exchange students sa unibersidad mula sa 190 noong 2012 hanggang sa 281 ngayong taon, dahilan upang tumaas din ng Php 910,000 ang pondong kinikita mula rito.
“Kapag may partnership, kailangan may interaction ‘yong dalawang university, kailangan may mga exchange student program tayo para mas maging matibay ‘yong relationship,” saad ni Edwin Santos, Human Resource Head ng BulSU-Language Center (BulSU-LC).
Nagsimula noong taong 2005 ang partnership ng BulSU Office of External Affairs at BulSU-LC, isang pribadong kompanya na dating tinatawag na Jabez International, na siyang nagiging middleman sa pagitan ng dalawang pamantasan na nag-popokus sa mga Korean universities.
Isa sa mga dayuhang nasa programa si Jason Song, estudyante ng Kongju National University sa South Korea. Nakapanayam siya ng Pacesetter at ibinahagi ang kaniyang karanasan sa pag-aaral niya sa BulSU-LC English Program sa loob ng isang semestre.
“In korea, there is no one-on-one lesson. They have to say in standard books only, and it is very nonsense. We only have classroom learning with books [and] not real conversations. Korea’s education in English is only learning about grammar, not speaking or communication. We are very poor with that,” paliwanag niya.
Bilang malinaw na bunga, ang kitang nabanggit ang napagkunan ng BulSU ng pampagawa ng ilang imprastraktura tulad ng ikalimang palapag ng College of Home Economics (CHE) at BulSU Hostel, na siyang pinaggaganapan ng ilang mga mahahalagang programa sa unibersidad at tinutuluyan din ng mga exchange students.
Matatandaang pinangunahan ni Vice President for Planning Research and Extension Dr. Danilo Hilario ang pagsulong ng Board Resolution No. 30 noong 2002 kung saan ipinatutupad ang pagpataw ng tripleng bayad sa lahat ng fees ng mga foreign exchange students sa BulSU na mula sa 200php ay naging 600php na makikita ring tinalakay sa Memorandum of Understanding ng BulSU-ESP bilang karagdagan sa Income Generating Fund ng unibersidad.
Isa pang magandang benepisyong nakukuha mula sa kinikita rito ang scholarship grants na nagbibigay pagkakataon sa ilang mga estudyante na mag-aral sa mga partner universities sa labas ng bansa.
“Our students belong to the lower strata, sinabi ko sa mga partner universities natin, marami ang gustong mag-student exchange sa ‘tin na hindi kayang mag-provide ng university ng full assistance to them,” ani Vice President for External Affairs Cecilia Geronimo.
Ayon pa kay Geronimo, ang mga alok na scholarship para sa mga BulSUan na maaaring magtagal ng isang semestre o isang taon ay depende sa programang kukunin ng mga estudyante, “Kapag na-avail nila ‘yong Korean government scholarship, napakaganda no’n, kasi ‘yong airfare nila ay p’wedeng i-reimburse do’n sa university na pupuntahan nila, tapos, they have a monthly allowance of 800USD, at settlement allowance na ibibigay pagdating nila do’n. Kapag naman sa university [mula ang scholarship], university ang nagsyo-shoulder [ng fees].”
Sa tuwing magkakaroon naman ng alok sa BulSU upang magpadala ng estudyante sa partner universities, inaanunsyo sa mga kolehiyo sa unibersidad ang programa upang makapagpasa ng application ang mga Pilipinong estudyante na interesadong makibahagi. Ang host country o university gaya ng BulSU ang siyang magpapasya kung sino ang papasa sa nasabing aplikasyon.
Isa si Mariel Capulong, 20 taong gulang at estudyante ng Bachelor in Secondary Education Major in English, sa mga nabahaginan ng programang ito at kasalukuyang nag-aaral ng Korean Language and Literature sa Wonkwang University sa South Korea.
Paglalahad ni Capulong, hindi naging madali na mapabilang sa programang ito dahil sa mataas na requirements na itinatalaga ng banyagang unibersidad. Sa katunayan, pito lamang sa mga nag-apply para sa programa noong nakaraang taon ang nakapasa at kasalukuyang nag-aaral sa iba’t ibang unibersidad sa South Korea kabilang ang Chungbuk, Chosun, at Wonkwang University.
“Unang-una, dapat malakas ang loob. Kasi kailangan mo lagi magtanong ng updates about sa application. Kung medyo mahiyain, medyo baka walang progress. Dapat din okay ang English. Kasi edge ‘yon sa application. Although Korean ‘yong aaralin, ‘yong mga application letter and all, in English. Tapos, dapat din may cultural sensitivity. Dapat kaya mag-adjust sa mga bagay-bagay mula sa pagkain, sa pakikisalamuha, sa customs, gano’n,” paglilinaw ni Capulong.
Bukod sa paglinang ng relasyon sa pagitan ng dalawang bansa, mayroon pang kontribusyon ang pagkakaroon ng mga foreign student sa BulSU. Ang paglaki ng kanilang bilang ay nangangahulugan din ng malaking pangangailangan sa teaching personnel. Ayon kay Santos, 70-80% ng mga guro na umaasikaso sa mga banyaga ay graduate ng BulSU College of Education.
Sa kabila ng mga pakinabang na nakukuha ng ating unibersidad sa mga dayuhang mag-aaral, pinangangambahan naman ngayon ni Geronimo ang pagbabago ng curriculum sa South Korea at gayundin sa iba pang bansa kung saan ituturo na ang wikang Ingles mula sa gradeschool--bagay na makaaapekto sa Exchange Student Program ng BulSU.
“Last January 2013, the [former] President of South Korea Lee Myung Bak decided to add English subject in their curriculum at malungkot na balita ‘to para sa ‘tin kasi malaki ang possibility na kumonti ‘yong bilang ng mag-partnership sa ‘tin or else mawala sila dahil hindi na kailangang magpakalayo ng mga Koreano, aside from this, a loss of income generating fund in our university. So we have to look for another country that would like to,” paliwanag ni Geronimo.
Negatibo rin ang naging reaksyon ng mga iskolar na BulSUan matapos nilang malaman ang posibleng pagkawala ng Exchange Student Program sa unibersidad.
“S’yempre third world country tayo at alam nating hindi naman gano’n kadaling makahanap ng pera ‘yong magulang natin kaya kung sakaling mawawala, malaking kabawasan ‘yon kasi kokonti ‘yong tyansa no’ng ibang maging iskolar din o kung mawawala man, makahanap sana ng ibang mapagkukunan ng pondo ang school natin,” pahayag ni Thelma Ramos, fourth year education student, iskolar ng BulSU.
Magandang balita naman ito para kay Paul Kim, exchange student ng Chosun University. “ [When] Koreans like me heard it, [that] is good news because not all of us were too rich and if South Korea Government raise the English subject, we don’t need to go far and we [will] just study well there but if our government raise it too expensive, I will still choose BulSU,” saloobin ni Kim.
Hindi pa man sigurado ay nilinaw na agad ng BulSU-ESP na naghahanap na sila ng ibang bansa sa Asya bukod sa South Korea na bukas sa mga ganitong programa. Samantala, patuloy pa ring umaasa ang BulSU na hindi matutuloy ang bagong proyektong inilunsod ng pangulo ng South Korea dahil sa malaking kawalan ito sa BulSU at sa mga iskolar nito.
“Fifty percent kasi ng exchange student natin [ay] galing sa South Korea. Sila ‘yong may pinakamalaking porsyento kaya umaasa pa rin kaming hindi pa ito maipapatupad [English curriculum sa South Korea] pero handa ang BulSU na maghanap ng ibang makakaisang-dibdib ng ating unibersidad,” pagtatapos ni Geronimo.
Kaagapay ng mabilis na paglobo ng populasyon ng mga dayuhang mag-aaral dulot ng patuloy na paglilinang ng Bulacan State University (BulSU) sa proyektong Exchange Student Program (ESP) ay ang mga benepisyong nakatutulong sa pagpapabuti ng unibersidad.
Mula sa dalawang international linkages noong 2002 ay nagkaroon na ang BulSU ng ugnayan sa 10 bansa kabilang ang Thailand, Japan, China, Vietnam, Hong Kong, Singapore, Macau, Malaysia, Ethiopia at South Korea. Dahil dito, tumaas ang bilang ng mga nag-aaral na exchange students sa unibersidad mula sa 190 noong 2012 hanggang sa 281 ngayong taon, dahilan upang tumaas din ng Php 910,000 ang pondong kinikita mula rito.
“Kapag may partnership, kailangan may interaction ‘yong dalawang university, kailangan may mga exchange student program tayo para mas maging matibay ‘yong relationship,” saad ni Edwin Santos, Human Resource Head ng BulSU-Language Center (BulSU-LC).
Nagsimula noong taong 2005 ang partnership ng BulSU Office of External Affairs at BulSU-LC, isang pribadong kompanya na dating tinatawag na Jabez International, na siyang nagiging middleman sa pagitan ng dalawang pamantasan na nag-popokus sa mga Korean universities.
Isa sa mga dayuhang nasa programa si Jason Song, estudyante ng Kongju National University sa South Korea. Nakapanayam siya ng Pacesetter at ibinahagi ang kaniyang karanasan sa pag-aaral niya sa BulSU-LC English Program sa loob ng isang semestre.
“In korea, there is no one-on-one lesson. They have to say in standard books only, and it is very nonsense. We only have classroom learning with books [and] not real conversations. Korea’s education in English is only learning about grammar, not speaking or communication. We are very poor with that,” paliwanag niya.
Bilang malinaw na bunga, ang kitang nabanggit ang napagkunan ng BulSU ng pampagawa ng ilang imprastraktura tulad ng ikalimang palapag ng College of Home Economics (CHE) at BulSU Hostel, na siyang pinaggaganapan ng ilang mga mahahalagang programa sa unibersidad at tinutuluyan din ng mga exchange students.
Matatandaang pinangunahan ni Vice President for Planning Research and Extension Dr. Danilo Hilario ang pagsulong ng Board Resolution No. 30 noong 2002 kung saan ipinatutupad ang pagpataw ng tripleng bayad sa lahat ng fees ng mga foreign exchange students sa BulSU na mula sa 200php ay naging 600php na makikita ring tinalakay sa Memorandum of Understanding ng BulSU-ESP bilang karagdagan sa Income Generating Fund ng unibersidad.
Isa pang magandang benepisyong nakukuha mula sa kinikita rito ang scholarship grants na nagbibigay pagkakataon sa ilang mga estudyante na mag-aral sa mga partner universities sa labas ng bansa.
“Our students belong to the lower strata, sinabi ko sa mga partner universities natin, marami ang gustong mag-student exchange sa ‘tin na hindi kayang mag-provide ng university ng full assistance to them,” ani Vice President for External Affairs Cecilia Geronimo.
Ayon pa kay Geronimo, ang mga alok na scholarship para sa mga BulSUan na maaaring magtagal ng isang semestre o isang taon ay depende sa programang kukunin ng mga estudyante, “Kapag na-avail nila ‘yong Korean government scholarship, napakaganda no’n, kasi ‘yong airfare nila ay p’wedeng i-reimburse do’n sa university na pupuntahan nila, tapos, they have a monthly allowance of 800USD, at settlement allowance na ibibigay pagdating nila do’n. Kapag naman sa university [mula ang scholarship], university ang nagsyo-shoulder [ng fees].”
Sa tuwing magkakaroon naman ng alok sa BulSU upang magpadala ng estudyante sa partner universities, inaanunsyo sa mga kolehiyo sa unibersidad ang programa upang makapagpasa ng application ang mga Pilipinong estudyante na interesadong makibahagi. Ang host country o university gaya ng BulSU ang siyang magpapasya kung sino ang papasa sa nasabing aplikasyon.
Isa si Mariel Capulong, 20 taong gulang at estudyante ng Bachelor in Secondary Education Major in English, sa mga nabahaginan ng programang ito at kasalukuyang nag-aaral ng Korean Language and Literature sa Wonkwang University sa South Korea.
Paglalahad ni Capulong, hindi naging madali na mapabilang sa programang ito dahil sa mataas na requirements na itinatalaga ng banyagang unibersidad. Sa katunayan, pito lamang sa mga nag-apply para sa programa noong nakaraang taon ang nakapasa at kasalukuyang nag-aaral sa iba’t ibang unibersidad sa South Korea kabilang ang Chungbuk, Chosun, at Wonkwang University.
“Unang-una, dapat malakas ang loob. Kasi kailangan mo lagi magtanong ng updates about sa application. Kung medyo mahiyain, medyo baka walang progress. Dapat din okay ang English. Kasi edge ‘yon sa application. Although Korean ‘yong aaralin, ‘yong mga application letter and all, in English. Tapos, dapat din may cultural sensitivity. Dapat kaya mag-adjust sa mga bagay-bagay mula sa pagkain, sa pakikisalamuha, sa customs, gano’n,” paglilinaw ni Capulong.
Bukod sa paglinang ng relasyon sa pagitan ng dalawang bansa, mayroon pang kontribusyon ang pagkakaroon ng mga foreign student sa BulSU. Ang paglaki ng kanilang bilang ay nangangahulugan din ng malaking pangangailangan sa teaching personnel. Ayon kay Santos, 70-80% ng mga guro na umaasikaso sa mga banyaga ay graduate ng BulSU College of Education.
Sa kabila ng mga pakinabang na nakukuha ng ating unibersidad sa mga dayuhang mag-aaral, pinangangambahan naman ngayon ni Geronimo ang pagbabago ng curriculum sa South Korea at gayundin sa iba pang bansa kung saan ituturo na ang wikang Ingles mula sa gradeschool--bagay na makaaapekto sa Exchange Student Program ng BulSU.
“Last January 2013, the [former] President of South Korea Lee Myung Bak decided to add English subject in their curriculum at malungkot na balita ‘to para sa ‘tin kasi malaki ang possibility na kumonti ‘yong bilang ng mag-partnership sa ‘tin or else mawala sila dahil hindi na kailangang magpakalayo ng mga Koreano, aside from this, a loss of income generating fund in our university. So we have to look for another country that would like to,” paliwanag ni Geronimo.
Negatibo rin ang naging reaksyon ng mga iskolar na BulSUan matapos nilang malaman ang posibleng pagkawala ng Exchange Student Program sa unibersidad.
“S’yempre third world country tayo at alam nating hindi naman gano’n kadaling makahanap ng pera ‘yong magulang natin kaya kung sakaling mawawala, malaking kabawasan ‘yon kasi kokonti ‘yong tyansa no’ng ibang maging iskolar din o kung mawawala man, makahanap sana ng ibang mapagkukunan ng pondo ang school natin,” pahayag ni Thelma Ramos, fourth year education student, iskolar ng BulSU.
Magandang balita naman ito para kay Paul Kim, exchange student ng Chosun University. “ [When] Koreans like me heard it, [that] is good news because not all of us were too rich and if South Korea Government raise the English subject, we don’t need to go far and we [will] just study well there but if our government raise it too expensive, I will still choose BulSU,” saloobin ni Kim.
Hindi pa man sigurado ay nilinaw na agad ng BulSU-ESP na naghahanap na sila ng ibang bansa sa Asya bukod sa South Korea na bukas sa mga ganitong programa. Samantala, patuloy pa ring umaasa ang BulSU na hindi matutuloy ang bagong proyektong inilunsod ng pangulo ng South Korea dahil sa malaking kawalan ito sa BulSU at sa mga iskolar nito.
“Fifty percent kasi ng exchange student natin [ay] galing sa South Korea. Sila ‘yong may pinakamalaking porsyento kaya umaasa pa rin kaming hindi pa ito maipapatupad [English curriculum sa South Korea] pero handa ang BulSU na maghanap ng ibang makakaisang-dibdib ng ating unibersidad,” pagtatapos ni Geronimo.